Եվրոպայում երաշտը ռեկորդներ է սահմանում: Որոշ քաղաքներում ջերմաստիճանը ստվերում 40 աստիճանից բարձր է: Գյուղերում դրությունը ավելի վատ է: Շատ գետակներ և ջրհորներ, որոնցից ֆերմերները իրենց և կենդանիների համար ջուր էին վերցնում, ամբողջովին չորացել են, որի հետևանքով վտանգի մեջ են գտնվում հատկապես աշխարհում հայտնի ալպիական կովերը, որոնց կաթը օգտագործվում է շվեյցարական պանիրների և շոկոլադի արտադրության մեջ: Այս մասին հայտնում է Vesti.ru-ն:
Շվեյցարական իշխանությունները որոշում են ընդունել կենդանիներին ջուր հասցնելու խնդրի լուծման համար ներգրավել բանակը, որը ուղղաթիռներով կովերի համար ջուր է կրել հարևան Ֆրանսիայի Լե Ռուս լճից:
Ուղղաթիռները խուճապ են առաջացրել շրջակայքի բնակչության և զբոսաշրջիկների մեջ, որոնք զարմանքով դիտել են, թե ինչպես են համազգեստով մարդիկ դուրս թափվել մեքենաներից և սկսել ջուր վերցնել լճից:
Պատճառը շատ հասարակ դուրս եկավ: Այդ գործողությունը համաձայնեցվել էր ոչ թե տեղի իշխանությունների հետ, այլ կոնֆեդերացիայի, որն էլ առաջացրել է թյուրիմացություն: