Rosbalt լրատվական գործակալության փոխանցմամբ՝ գիտնականները չեն բացառում, որ Պլուտոնի մակերևույթին կարող է օվկիանոս լինել, որի գոյությունը հետազոտողները տեսնում են գաճաճ մոլորակի մակերևույթին երկրաբանական ակտիվության դրսևորումներում։
Այդ մասին հայտարարել է New Horizons միջմոլորակային ավտոմատ կայանի գիտական թիմի մասնակից Բիլ Մաքինոնը։ Նա ընդգծել է, որ իրենց դեռ չի հաջողվել ճշգրիտ հաշվարկել Պլուտոնի քաշը, սակայն մի շարք անուղղակի տվյալները վկայում են, որ այն այնքան էլ խիտ չէ, որքան իրենք էին ակնկալում. «Դա մեզ ստիպում է կասկածել, և ես ընդգծում եմ, որ դա միայն հիպոթեզ է, որ Պլուտոնի մակերևույթի տակ կարող է թաքնվել օվկիանոս»։
Ներկա դրությամբ New Horizons-ը Երկիր է փոխանցել Պլուտոնի համակարգով կատարած թռիչքի ընթացքում հավաքած տվյալների միայն 5 տոկոսը, ինչ պատճառով էլ գիտնականները դեռ չունեն համապատասխան փաստարկներ։