«Հիմնական եզրակացությունը հետևյալն է՝ Նաիրիտի արտադրանքը համաշխարհային շուկայում մրցունակ չէ, ինչը նշանակում է մասնագիտական եզրակացություն, որ Նաիրիտը պետք է փակել»,- այսօր ԱԺ-ում «Նաիրիտ գործարան» ՓԲԸ-ի հետագա շահագործման, տեխնիկական և ֆինանսական կենսունակության ուսումնասիրության վերաբերյալ քննարկմանն ասաց ԱԺ ՀՀԿ խմբակցության պատգամավոր Սամվել Ֆարմանյանը։
Նա նշեց, որ գուցե փորձագետներն առաջնորդվել են համաշխարհային միտումներով, ինչը գնահատելի է, բայց հավանաբար նկատի չեն ունեցել այն հանգամանքը, որ մեր տնտեսության համար «Նաիրիտը» մնում է հեռանկարային ուղղություն։
Պատգամավորը նշեց, որ պետք է ուղիներ գտնել «Նաիրիտի» վերագործարկման համար, մինչ ՀԲ-ն իր եզրակացությամբ ասում է, որ «Նաիրիտի» վերագործարկումն իրատեսական չէ։
«Նաիրիտի» փակումը, նրա խոսքով, չի կարող մեր երկրի համար հեռանկարային լինել։