«2015-ի հուլիսի մեկի դրությամբ պարտքերը կազմում են 126 միլիարդ դրամ, այդ թվում՝ միջպետական բանկին՝ 79 միլիարդ, Երևանի ջերմոէլեկտրակայանին՝ 23 միլիարդ դրամ, ՀԷՑ-ին՝ 1,2 միլիարդ դրամ, ԳազպրոմԱրմենիա՝ 1,3 միլիարդ դրամ, աշխատավարձ՝ 5,4 միլիարդ դրամ և բյուջեի նկատմամբ պարտքերը մոտավորապես տասը միլիարդ դրամ»,-այսօր ԱԺ-ում «Նաիրիտ գործարան» ՓԲԸ-ի հետագա շահագործման, տեխնիկական և ֆինանսական կենսունակության ուսումնասիրության վերաբերյալ քննարկմանն ասաց Էներգետիկայի և բնական պաշարների նախարար Երվանդ Զախարյանը։
Նա նշեց, որ այսօր գործարանը կամ պիտի վերագործարկվի՝ վստահելի ներդրողների միջոցով կամ պիտի լուծարվի, որը կապված կլինի լուրջ ֆինանսական ծախսերի հետ, քանի որ այնտեղ մեծածավալ բնապահպանական խնդիրներ ունի իրականացնելու։
«Սա շարքային ֆաբրիկա չէ, որ այսօր գործարանի լուծարման հետ կապված որոշում կայացվի և վաղ է դնենք սկսենք կտրտել գործարանը»-հավելեց նախարարը: