Հարավային Կորեան հայտարարել է MERS կորոնավիրուսի բռնկման ավարտի մասին, որից մահացել է 36 մարդ։ Այս մասին փոխանցում է BBC-ն։
Կորեայի Հանրապետության վարչապետը պաշտոնապես հայտարարել է, որ վիրուսի տարածման վտանգը վերացել է, և մարդիկ կարող են վերադառնալ նորմալ կյանքի։
Վիրուսի բռնկումը, որն ամենախոշորն էր Սաուդյան Արաբիայի սահմաններից դուրս, երկրի տնտեսությանը պատճառել է լուրջ վնաս։ Օտարերկրացի զբոսաշրջիկների թիվը նվազել է 40 տոկոսով։
Սխալներից հետո, որոնք թույլ էին տվել իշխանությունները հիվանդության տարածման սկզբում, նրանք փոխել են մարտավարությունը՝ մեկուսացնելով բոլոր վարակվածներին, ինչը թույլ է տվել կանգնեցնել վիրուսի տարածումը։
