Հունիսի վերջին համացանցում լուր հայտնվեց, որ 51-ամյա Բրեդ Փիթը հոգնել է ամուսնությունից և ուզում է հեռանալ Անջելինա Ջոլիից, հայտնում է segodnya.ua-ը:
Սակայն ավելի ուշ In Touch ամսագրի թարմ համարում նոր լուր հայտնվեց, ըստ որի՝ Բրեդի մայրը` Ջեյն Փիթը, խնդրել է որդուն լավ մտածել և պահպանել ամուսնությունը եթե ոչ կնոջ, ապա հանուն երեխաների:
Բացի այդ, Ջեյն Փիթը առաջարկել է ամուսնությունը փրկելու բաղադրատոմս: Նա համարում է, որ և՛ իր որդու, և՛ հարսի համար միշտ առաջնային է եղել ոչ թե նրանց սերը, այլ երեխաները, կարիերան, բարեգործությունները, որի հետևանքով նրանք վերջիվերջո սկսել են չհասկանալ իրար:
Ջեյն Փիթը մտադիր է արձակուրդի ժամանակ իր մոտ վերցնել բոլոր երեխաներին, իսկ նրանց ծնողներին ուղարկել ռոմանտիկ արձակուրդի, որի ընթացքում նրանք կկարողանան գլուխ հանել իրենց զգացմունքներից: