Գնունու շինարարական իրերի շուկայում «Առաջին լրատվական»-ի հետ զրույցում նշեցին, որ այս ամսվանից արդեն աշխատում են չփաստաթղթավորված և 5 տոկոս շրջանառության հարկով: «Ընտրել ենք այդ տարբերակը, քանի որ այստեղի ապրանքները փաստաթղթավորել հնարավոր չէ, ապրանքների մեծ մասը 20 տարվա են, կամ հատիկով մեխը հաշվենք, ո՞նց փաստաթղթավերենք: Եթե հնարավոր լիներ փաստաթղթավորել դա կընտրեինք, 1 տոկոս շրջանառության հարկ կտայինք»,-մանրամասնեցին նրանք:
Առևտրականները համոզված են, եթե կառավարության անդամները խելամիտ լինեին, կթողնեին, որ հաստատագրված վճարով աշխատեին: «Էս մարդկանց դեմ խաղ չկա, պայքար չկա, ինչ ուզում՝ անում են, փառք մեր կառավարությանը. ժողովրդի մասին մտածում են, մինչև վերջին կոպեկը վերցնում են, խեղդում են»,- նշեցին նրանք:
Առևտրականները հիշեցին, թե որքան են պայքարել շրջանառության հարկի կիրառման դեմ, բայց, միևնույն է, չեն կարողացել հասնել դրա չեղարկմանը: «Ժողովրդի կարծիքը ոչ մեկը հաշվի չի առնում, ի՞նչ կարանք անենք, Էլ ի՞նչ անենք, բահ ու քլունգով գնանք տանկերի դե՞մ»,- եզրափակեցին նրանք:
Մանրամասները՝ տեսանյութում: