Համաշխարհային առևտրի ծավալները վերջին 6 ամիսներին նվազել են ավելի քան 2%-ով: Համաշխարհային առևտրի ինդեքսը ընկել է մինչև նվազագույնի 2014 թ. հունիսից, իսկ անկման տեմպերն առավելագույնն են 2009 թվականից: vestifinance.ru-ի հաղորդմամբ՝ այս մասին ասվում է Նիդերլանդների Merchandise World Trade Monitor տնտեսական վերլուծության բյուրոյի հետազոտության մեջ:
Դա խոշոր և երկար անկում է համաշխարհային առևտրում՝ համեմատելի ֆինանսական ճգնաժամի ժամանակների հետ:
Եթե հրաշք չկատարվի, համաշխարհային առևտուրը կունենա առաջին եռամսյակային անկումը 2009 թվականից ի վեր: Անկում են գրանցել և´ ներկրումը, և´ արտահանումը:
Խնդիրն այն է, որ համաշխարհային առևտրի անկում է գրանցվում ո՛չ առաջին ամիսը կամ ո՛չ մեկ ոլորտում: Այն կապված չէ վատ եղանակի, ընտրությունների կամ այլ գործոնների հետ:
Անկումը շարունակվում է արդեն 5 ամիս: Անկումը շատ լայն ընդգրկում ունի, արտահանման և ներկրման ծավալները նվազում են շրջանների և երկրների մեծ մասում:
