Արդեն 4 օր է՝ Երևանի 9 համարի տրոլեյբուսների վարորդները գործադուլ են հայտարարել, որոշները աշխատանքից ազատման դիմումներ են գրել, քանի որ երթուղին շահագործողները վարորդներից պահանջում են աշխատել 16-17 ժամ: Այս մասին «Առաջին լրատվական»-ի հետ զրույցում ասացին գործադուլ հայտարարած վարորդները: Նրա խոսքով՝ իրենք ֆիզիկապես չեն կարող 17 ժամ աշխատել, մանավանդ որ արտաժամյա աշխատանքի համար չեն վարձատրվել և չեն վարձատրվելու:
«Երևանի էլեկտրատրանսպորտ» ՓԲԸ կողմից նոր հրաման է եղել, ու մեզնից պահանջում են, որ աշխատենք 16-17 ժամ, որ քաղաքացիները փողոցում չմնան՝ գնան գործի, գան տուն: Բայց էդքան աշխատելուց հետո մեզ ո՞վ է տուն տանելու: Մենք ի վիճակի չենք, ասում ենք դրա մասին, բայց մեզ պատասխանում են, թե՝ ի վիճակի չեք՝ դիմում գրեք, գնացեք: Արդյունքում մենք հայտնվել ենք անգործ ու անօգնական վիճակում»,- ասաց Մարատ Հակոբյանը՝ հավելելով, որ նախկինում իրենք 12 ժամ աշխատել են, բայց 17 ժամ այլևս չեն կարող: «Դա նշանակում է, որ առավոտյան մինիմումը 5-ին պետք է արթնանանք, գնանք աշխատանքի, 9-10-ին մտնենք գարաժ ու թե ոնց տուն կհասնենք՝ ոչ մեկին չի հետաքրքրում: Առանց այդ էլ 12 ժամ աշխատածի դիմաց 40-45 մաքսիմում 60 հազար դրամ ենք ստանում»:
Տրոլեյբուսի վարորդն ասաց, որ իրենց բողոքը լսելու է եկել քաղաքապետարանի տրանսպորտի վարչության պետ Հենրիկ Նավասարդյանը, բայց ոչ մի հստակ բան չի ասել: «Եկավ, ասաց, թե պետք է աշխատեք, ուրիշ ելք չկա, մարդկանց հո չե՞նք կարող թողնել փողոցում: Բայց ո՞վ պետք է գիշերը մեզ տուն հասցնի»,-ասաց Մարատը:
«Վարարոդները ձեզ մոլորությանմեջ են գցել: Նրանցից ոչ ոք չի պահանջում 16 ժամ աշխատել, ուղակի այս սեզոնին վարորդներից շատերը երեկոյան ժամը 18-19-ին թողնում գնում են տուն, իսկ ուղևորները մնում են կանգառներում»,-«Առաջին լրատվական»-ին պարզաբանեց «Երեւանի էլեկտրատրանսպորտ» ՓԲԸ –ի տնօերն Հարություն Երեմյանը: Նշենք սակայն, որ վարորդների խոսքով, իրենք չենք կարող ժամը 18-19-ին թողնեն գնան, քանի որ իրենց վրա պլան է դրված ու օրական 5 պտույտ չանելու պարագայում պլանի գունարը մնուն է իրենց վրա:
«Օրենքով մենք ունենք 24 աշխատանքային ժամ, որի պարագայում մենք ստանուն ենք 40 հազար դրամ, բայց վարորդները մեջտեղից ճղվելով, 28-29 օր ամսվա մեջ աշխատում են, որ 60-70 հազար դրամ աշխատավարձ ստանան»,-ասաց մեկ այլ վարորդ:
Առավել մանրամասն՝ տեսանյութում