Apple դատական հայց է ներկայացրել ընդդեմ հարավկորեական Samsung Electronics-ին` մեղադրելով նրան հեղինակային իրավունքները խախտելու մեջ: Այս մասին հաղորդում է Bloomberg գործակալությունը:
Հայցի մեջ նշվում է, որ Samsung-ի Galaxy բջջային հեռախոսները և պլանշետային համակարգիչները գրեթե նույնությամբ կրկնում են Apple-ի iPhone և iPad սարքերը: «Սրանք պատահական համընկնումներ չեն. Samsung-ի նոր սարքերը շատ նման են iPhone-ին և iPad-ին` սկսած սարքի տեսքից մինչև միջերեսն ու փաթեթավորումը»,- ասել է Apple-ի ներկայացուցիչը` դա անվանելով «կեղտոտ նմանակում»:
Samsung Electronics-ի ներկայացուցիչը գործակալությանը հայտնել է, որ իրենց ընկերությունը համապատասխան միջոցները կձեռնարկի «իրենց հեղինակային իրավունքները պաշտպանելու համար»` հավելելով, որ Apple-ին հակընդդեմ հայցը կներկայացվի ամենամոտ ապագայում:
