Իտալիայի պետպարտքը մայիսին հերթական ռեկորդն է սահմանել և հասել պատմական առավելագույնի՝ 2.218 տրիլիոն եվրո։ Այս մասին հայտնում է RIA Novosti-ն՝ հղում անելով երկրի ԿԲ-ին։
Նախկին հակառեկորդը սահմանվել էր ուղիղ մեկ տարի առաջ՝ 2014-ի մայիսին, երբ պետպարտքը կազմել է 2.166 տրիլիոն եվրո։
2015-ի սկզբից Իտալիայի պետպարտքն աճել է 83.3 մլրդ եվրոյով (3.9%)։ Միայն մայիսին պարտքային բեռն աճել է 23.4 մլրդ եվրոյով։ ԿԲ վիճակագրական փաստաթղթերից երևում է, որ պետպարտքի աճը կապված է կանխիկ միջոցների ավելացման, եվրոյի փոխարժեքի անկման և պետպարտատոմսերի շուկայում փոփոխությունների հետ։
Համաձայն Eurostat-ի տվյալների, որոնք հրապարակվել են ապրիլին, Իտալիայի պետպարտքը կազմել է երկրի ՀՆԱ 132.1 տոկոսը։ Այդ ցուցանիշով Իտալիան ԵՄ-ում զիջում է միայն Հունաստանին (177.1%)։