Korrespondent.net-ի փոխանցմամբ՝ գիտնականները նոր հետազոտություն են անցկացրել մարդու օրգանիզմում կենսաբանական գործընթացների շուրջ: Նրանք պնդում են, որ մի շարք անձանց օրգանիզմը ծերանում է եռապատիկ տեմպերով՝ 12 ամսով «հաղթահարելով» 3 տարի: Հետազոտության արդյունքները հրապարակվել են PNAS հանդեսում:
Մարդկանց օրգանիզմի կենսաբանական գործընթացների հետազոտությունն իրականացվել է 12 տարում, երբ կամավորների տարիքը կազմել է 26-38 տարեկան: Աշխատանքի ընթացքում մասնագետները ստուգել են 1972-1973 թվականներին ծնված 954 մարդու առողջական վիճակը: Երբ նրանք բոլորել են իրենց 38-ամյակը, նրանց կենսաբանական տարիքը տատանվել է 28-61-ի միջև:
Վաղաժամ ծերացում ապրողների դեպքում սովորաբար գրանցվել է կաթվածի ու սակավամտության զարգացման բարձր ռիսկ, նրանց ֆիզիկական ուժը և շարժունությունը եղել են փոքր, իսկ IQ-ի մակարդակն ավելի ցածր՝ համեմատած նորմալ ծերացողների հետ: