Ռուսական Ria Novosti լրատվական գործակալության փոխանցմամբ՝ New Horizons զոնդը Երկրին փոխանցել է Պլուտոնի նոր գունավոր և սև-սպիտակ լուսանկարները: Դրանցում երևում են Պլուտոնի մակերևույթին առկա խորհրդավոր մութ հետքերը: Այդ մասին հայտնել է NASA-ն:
Այդ լուսանկարները Պլուտոնին առավելագույն մոտ հեռավորությունից կատարված լուսանկարներ են: Դրանք գիտնականներին հնարավորություն են տալիս ամբողջովին տեսնել մոլորակի հասարակածի մոտ գտնվող մութ շրջանների կառուցվածքը: Մութ կետերի տրամագիծը կազմում է մի քանի հարյուր կիլոմետր:
New Horizons զոնդն արձակվել է 2006 թվականի հունվարի 19-ին: Նրա հիմնական նպատակը Պլուտոնն ու նրա արբանյակները՝ Հարոնը, Նիկտան ու Հիդրան ուսումնասիրելն է: Ակնկալվում է, որ ներկայումս սարքը գտնվում է Պլուտոնին առավելագույն մոտ հեռավորության վրա: