MEDdaily-ի փոխանցմամբ՝ բժիշկ-հոգեբան Մայքլ Մանտելը հայտարարել է, որ երկրորդ անգամ ամուսնանալը հաճախ առավել հաջողակ է լինում, քան առաջին ամուսնությունը, ինչի համար մի շարք ծանրակշիռ պատճառներ կան:
Նրա խոսքով՝ առաջին ամուսնությունը սովորաբար կայանում է այն ժամանակ, երբ մարդիկ սիրահարված են լինում, իսկ նրանց շրջապատում են լուրջ խնդիրներ, ինչպիսիք են ֆինանսական խնդիրները: Հոգեբաններն ամուսնական միությունների կրախը գնահատում են որպես ամենատրավմատիկ փորձերից մեկը մարդու կյանքի ընթացքում: Այնինչ երկրորդ ամուսնությանը մարդիկ մոտենում են հասուն ձևով: Նրանք արդեն գիտեն, թե ինչ են ցանկանում, և թե ինչ սխալներ կարող են սպասվել ճանապարհին: Ավելին՝ մարդիկ հաճախ ավելի շատ են շփվում միմյանց հետ, ավելի լավ են սկսում ճանաչել միմյանց, նախքան երկրորդ անգամ ամուսնանալը: Մանտելն ընդգծել է, որ այդ դեպքում մարդիկ այլևս կուրացած չեն լինում՝ սիրահարված լինելով:
