Renault ընկերությունը ցուցադրել է նոր Talisman մոդելը, որը կփոխարինի Laguna-ին, գրում է СarsСoops-ը: Նորութի շնորհանդեսը կկայանա Ֆրանկֆուրտում այս տարվա սեպտեմբերին, իսկ վաճառքը կսկսվի տարեվերջին, հայտնում է korrespondent.net-ը:
Talisman-ն ունի 1․6 լիտրանոց բենզինով աշխատող 150-ից 200 ձիաուժ հզորությամբ շարժիչ, որն աշխատում է միաժամանակ յոթ աստիճանի ավտոմատ փոխանցման տուփով, ինչպես նաև 1․5 լիտրանոց 110 ձիաուժ հզորությամբ դիզելային ագրեգատով: Բացի այդ, առաջարկվում է 1․6 լիտրանոց շարժիչ 130-ից 160 ձիաուժ հզորությամբ:
Հիշեցնենք, որ Renault Laguna-ն միջին չափի ավտոմեքենա է: Նրա առաջին սերունդը հայտնվել է 1993 թվականին, իսկ 2001 թվականին փոխարինման է եկել երկրորդ սերունդը: Երրորդ սերունդը վաճառքի է հանվել 2007 թվականի հոկտեմբերին: