Microsoft-ը կավարտի աշխատանքը Windows 10 օպերացիոն համակարգի վրա: Ինչպես հայտնում են The Verge բլոգում, ընկերությունն այս շաբաթ կթողարկի վերջին եզրափակիչ RTM (Release to Manufacturing) տարբերակը` պատրաստ ուղարկելու համակարգիչներ արտադրողներին: Ծրագրի վաճառքը կսկսվի հուլիսի 29-ին:
Ինչպես ավելի վաղ բացատրել էր ընկերության նախագահ Ջերի Նիքսոնը, հետագայում բոլոր բարելավումները համակարգ կներդրվեն թարմացումների ճանապարհով:
Այսպես, Windows 10-ը կարելի է դիտել որպես Microsoft-ի վերջին «մեծ» տարբերակ: Դրան հաջորդող առանձին թողարկումների օգտագործողները կարող են չսպասել: «Ոչ մի Windows 11 արդեն չի լինի»,- ավելի վաղ նշել է Microsoft-ի մշակման գծով փոխնախագահ Ստիվ Քլյայնհանզը: