Մի քանի բրազիլացի քրիստոնյա ստեղծել են Facegloria սոցցանցը, որտեղ խստորեն արգելված են հայհոյանքներն ու էրոտիկ նյութերը: Այս մասին հայտնում է BBC News-ը:
Սոցցանցն իր աշխատանքը սկսել է անցած ամսվա մեջ, և արդեն 100 հազար մարդու է ներգրավել, հայտնում են նախաձեռնողները: Ցանցում արգելք է գործում 600 բառի վրա, իսկ Like նշանը փոխարինված է «Ամեն» բառով:
Կայքը դեռևս հասանելի է միայն պորտուգալերեն լեզվով, բայց հեղինակները խոստանում են այլ լեզուների և հեռախոսային ծրագրերի ավելացում:
«Facebook-ում մենք հանդիպում ենք մեծ քանակությամբ բռնության և պոռնոգրաֆիայի: Այդ իսկ պատճառով միտք է ծագել ստեղծել այս ցանցը, որտեղ մենք կարող ենք խոսել սիրո և Աստծո մասին, և տարածել Նրա խոսքը»,- ասել է վեբ դիզայներ Աթիլա Բարոսը: