Իտալացի կիսապաշտպան Անդրեա Պիրլոն, ով «Յուվենտուս»-ից տեղափոխվել է «Նյու-Յորք Սիթի», թուրինյան ակումբի ղեկավարությանը, մարզչական շտաբին ու երկրպագուներին շնորհակալություն է հայտնել։
36-ամյա Պիրլոն «Նյու-Յորք Սիթի»-ում միանալու է հանրահայտ ֆուտբոլիստներ Ֆրենկ Լեմպարդին ու Դավիդ Վիլյային։
«Դժվար է էմոցիաները բառերով արտահայտել, հատկապես, երբ խոսքն ինձ համար այսքան կարևոր 4 տարիների մասին է։ Ցանկանում եմ շնորհակալություն հայտնել ակումբի ղեկավարությանը, մարզչական շտաբին ու երկրպագուներին, ովքեր ինձ սատարել են այս ողջ արկածի ընթացքում։ Սրտանց շնորհակալ եմ բոլորին։
Ինձ համար այս որոշումը կայացնելը հեշտ չէր, բայց ժամանակն է նոր պատմություն սկսել։ Երբեք չեմ կորցնի կապը «Յուվենտուս»-ի գույների հետ։ Առա՛ջ «Յուվենտուս» »,- իր թվիթերյան էջում գրել է Պիրլոն։