Guinness World Records-ի փոխանցմամբ՝ Նյու Յորքի բնակչուհի Սյուզաննա Մուշատ Ջոնսն այսօր նշում է իր 116-ամյակը: Նա պաշտոնապես ներկայումս աշխարհի ամենատարեց մարդն է: Ջոնսը ծնվել է 1899 թվականի հուլիսի 6-ին:
Նա Գինեսի ռեկորդների գրքում ընդգրկվել է 2015 թվականի հունիսի 17-ին, երբ 115 տարեկան և 346 օրական էր: Երբ Ջոնսին հարցրել են, թե որն է նրա երկարակեցության գաղտնիքը, նա մեկ բառով պատասխանել է՝ քունը: Ջոնսն ունի 100 զարմիկ ու զարմուհի և հայտնի է «Մորաքույր» մականվամբ:
Պատմության ընթացքում ամենատարեց մարդը նույնպես կին է: Խոսքը ֆրանսուհի Ժաննա Կալմանի մասին է, ով ապրել է 122 տարի և 164 օր: