Աշխարհի ամենահայտնի բեյսջամփերներից մեկը՝ 32-ամյա կոլումբացի Ջոնաթան Ֆլորեսը, զոհվել է Շվեյցարիայի լեռներում Չինաստանում առաջնությանը պատրաստվելու ընթացքում: Մարզիկը զոհվել է ֆիքսված կետից թռիչքի ժամանակ: Ֆլորեսի մահվան պատճառը ժամանակին չբացված պարաշյուտն է եղել՝ հայտնում է Mirror-ը:
Birdman մականունով կոլումբացին մահացել է հուլիսի 3-ին՝ Շվեյցարիայի Թիթլիս լեռան մոտ:
2012թ. կոլումբացի մարզիկը Գինեսի 4 ռեկորդ է սահմանել՝ կատարելով պատմության մեջ ամենաերկարատև թռիչքը՝ ինչպես տևողությամբ, այնպես էլ՝ հեռավորությամբ: Այդ ժամանակ Ֆլորեսը թռչել է 11.000 մետրից ավելի բարձրությունից: Մեկ տարի հետո Ֆլորեսը դարձել է աշխարհի չեմպիոն World Wingsuit լիգայի շրջանակներում: Նրան պաշտոնապես ճանաչել են թևավոր կոստյումով ամենաարագ մարդը:
Ստորև հրապարակված կադրերում կարելի է տեսնել Ֆլորեսի վերջին հարցազրույցներից մեկն ու նրա թռիչքներից մի տեսագրություն:
https://youtu.be/s6eln20iNn0
