Tom’s Guide կայքը կատարել է սմարթֆոնների արտադրողականության համեմատական վերլուծություն և առանձնացրել իրենց դասի 6 ամենահզոր ներկայացուցիչները: Թեստերի ընթացքում ստուգվել է 6 ֆլագմանական մոդել՝ LG G4, Apple iPhone 6, Samsung Galaxy S6, HTC One M9, Google Nexus 6 և Asus Zenfone 2: hitech.vesti.ru-ն ներկայացնում է հետազոտության արդյունքները:
Samsung Galaxy S6՝ աշխատում է կորեական ընկերության Exynos 7420 ութմիջուկանի չիպով: Այդ մոդելը նաև DDR4 հիշողության մոդուլ ունի: Սարքը նաև տվյալների պահպանման UFS 2.0 ձևաչափ ունի, ինչը սարքի համար ապահովում է կարդալու/ձայնագրելու արագություն SSD-կուտակիչների մակարդակով:
iPhone 6-ի 64-բիթանոց պրոցեսորը գերազանցում է շատ ավելի ուշ թողարկված մոդելներին՝ հատկապես PDF-ֆայլերի բացման և խաղերում արտադրողականության թեստերում:
Nexus 6. ունի մեծ՝ մոտ 6-դյույմանոց դիսփլեյ 1440х2560 կետայնությամբ և դյույմի հաշվով շատ մեծ կետայնությամբ՝ 493 ppi:
Ապրիլին ներկայացված LG ֆլագմանն ունի Qualcomm Snapdragon 808 չիպ: Սարքն ունի 5,5-դյույմանոց դիսփլեյ (կետայնությունը՝ 2560х1440, խտությունը՝ 538 կետ մեկ դյույմի հաշվով)՝ IPS-մատրիցայով:
Asus ընկերության Zenfone-ն աշխարհում առաջին սմարթֆոնն է 4 գիգաբայթ օպերատիվ հիշողությամբ: ZE551ML ֆլագմանն ունի 5,5-դյույմանոց դիսփլեյ IPS-մատրիցայով և Full HD-կետայնությամբ (1920х1080): Սարքն աշխատում է Intel Atom Z3580 չիպով:
HTC ֆլագմանի առավելությունը ներկայիս ամենահզոր Qualcomm Snapdragon 810 պրոցեսորն է:
