Որոշ երկրների հայտարարություններն այն մասին, թե այսօր առկա է սպառնալիք, որ Պակիստանի միջուկային ծրագրի նյութերը կարող են հայտնվել ահաբեկչական խմբավորումների ձեռքում, աբսուրդային են և չարամիտ՝ հայտարարել է երկրի վարչապետ Նավազ Շարիֆը։
«Նման հաստատումները միանգամայն անհիմն են, աբսուրդային և չարամիտ։ Պակիստանը միջուկային տերություն է, որը պատասխանատվություն է կրում իր գործողությունների համար։ Մենք անվտանգ և պաշտպանված միջուկային էներգետիկայի ոլորտում հետազոտությունների 40 տարվա փորձ ունենք»,- ասել է Շարիֆը RIA Novosti-ի հետ զրույցում։
Նրա խոսքով՝ Իսլամաբադը խիստ հակված է չտարածման սկզբունքներին, արտահանման վերահսկողությանը, պաշտպանության միջոցառումների պահպանմանն ու անվտանգության ապահովմանը։
«Ինչ վերաբերում է արտահանման վերահսկողությանը, Պակիստանի քաղաքականությունը լիովին համապատասխանում է միջազգային սկզբունքներին և պարբերաբար ստուգվում է։ Պակիստանի կողմից ձեռնարկված միջոցառումները լիովին հավանության են արժանացվել միջազգային հանրության, այդ թվում՝ ԱԷՄԳ-ի կողմից»,- հավելել է վարչապետը։
