Ռուսական Sovsport պարբերականի վերլուծաբան Եվգենի Լովչևը մեկնաբանել է Մոսկվայի «Սպարտակ»-ում ստեղծված իրավիճակը՝ անդրադառնալով նաև Հայաստանի հավաքականի հարձակվող Յուրա Մովսիսյանին։
«Մովսիսյանի մասին կարծես մոռացել են։ Նրա խաղը «Կրասնոդար»-ում հիացմունք էր առաջացնում։ Նա հիանալի մեկնարկեց «Սպարտակ»-ում՝ հեղինակելով հեթ-տրիկ։
Հավանաբար՝ Յուրան չի կարողանում յուրացնել «Սպարտակ»-ի խաղային փիլիսոփայությունը։ Նա հիշեցնում է Վելիտոնին։ Բայց Վելիտոնը Ռուսաստանի առաջնության լավագույն ռմբարկուն էր, շատ գոլեր էր խփում։
Թիմում ուղղակի չէին հասկանում՝ ինչպես օգտվել նրա որակներից։ Բացի այդ, նա իր հերթին ինչ-ինչ պատճառներով թուլացրեց տեմպը։ Այն, որ Մովսիսյանը շատ լավ ֆուտբոլիստ է, կասկածի ենթակա չէ։
Որոշ խաղերում պետք է գործել խորքից ու ապավինել հակագրոհների։ Ահա այդ պարագայում ընդգծվում են Մովսիսյանի ուժեղ կողմերը։
«Սպարտակ»-ին հիմա պետք է նոր հարձակվող, ով միանշանակ կհարմարվի թիմին։ «Հնարավոր է՝ այո, հնարավոր է՝ ոչ»-ի ժամանակ չկա»։