Fullpicture.ru-ն ներկայացրել է բնակարանում շոգը հաղթահարելու 10 խորհուրդ:
1. Անհրաժեշտ է սահմանափակել արևի ճառագայթների մուտքը շինություն, այսինքն՝ պատուհանը պետք է ծածկել շերտավարագույրով:
2. Հնարավորության դեպքում անհրաժեշտ է անջատել էլեկտրական բոլոր սարքերը՝ բացի սառնարանից, քանի որ դրանք հավելյալ ջերմություն են հաղորդում:
3. Լավ օդափոխեք բնակարանը, սակայն միայն գիշերը, երբ օդի ջերմաստիճանը փողոցում դառնում է ավելի ցածր, քան բնակարանում:
4. Միացրեք օդափոխիչը, ինչն արագ և որ ամենակարևորն է՝ բնակարանը զովացնելու ոչ թանկարժեք միջոց է:
5. Երբ բնակարանում շոգը դառնում է անտանելի, լոգարանը լցրեք սառը ջրով, իսկ լոգասենյակի դռները բաց թողեք: Ջուրը հիանալի կլանում է ջերմությունը և զովացնում օդը:
6. Շոգը սովորաբար ուղեկցվում է շատ տաք օդով, սակայն բավական է հագուստը լվանալ և թաց հագուստով չորանոցը տեղադրել սենյակի մեջտեղում, որպեսզի գոլորշիացման շնորհիվ սենյակի օդը զովանա:
7. Պատուհանները մի՛ բացեք ցերեկը: Շատերը շոգի ժամանակ բացում են պատուհաները՝ բնակարանն օդափոխելու համար, ինչը սխալ է: Տաք օդը ոչ միայն չի զովացնի ձեր տունը, այլև ընդհակառակը՝ կտաքացնի այն:
8. Ձեռքերը լվացե՛ք սառը ջրով: Դա ոչ միայն թեթևության զգացում կհաղորդի ձեզ, այլև մի փոքր կզովացնի օրգանիզմը:
9. Անհրաժեշտ է սովորական լամպերը փոխարինել լուսադիոդային կամ լյումինեսցենտային լամպերով, որոնք բացի էներգախնայող լինելուց՝ չեն արձակում ջերմություն: Դա պետք կգա նաև երեկոյան ժամերին, երբ դեռ շոգ է:
10. Մի՛ պատրաստվեք շոգին: 30 աստիճան շոգին պատրաստվելու միտքն ինքնին գցում է սարսափի մեջ: