Հունաստանում հանրաքվեից հետո՝ կիրակի երեկոյան, եվրոյի փոխարժեքը դոլարի նկատմամբ 1.12 տոկոսի անկում է գրանցել։ Այս մասին հայտնում է RIA Novosti-ն։
Երեկ երեկոյան եվրոն արժեցել է 1.0989 դոլար, մինչդեռ ուրբաթ առևտրային օրվա ավարտին եվրոն արժեցել է 1.11 դոլար։
Եվրախորհրդարանի ղեկավար Մարտին Շուլցն ավելի վաղ հայտարարել էր, որ եթե հանրաքվեի ժամանակ հույները որոշեն հրաժարվել միջազգային վարկատուների առաջարկած նախագծից, Աթենքը ստիպված կլինի ներմուծել նոր արժույթ։
Ֆրանսիայի նախագահ Ֆրանսուա Օլանդն ու Գերմանիայի կանցլեր Անգելա Մերկելը հուլիսի 6-ին հանդիպում կանցկացնեն Փարիզում, որի ժամանակ կգնահատեն Հունաստանում անցկացված հանրաքվեի հետևանքները։