Հանրաքվեից հետո Հունաստանում իրավիճակի քննարկմանն ուղղված եվրոգոտու երկրների գագաթնաժողովը կկայանա հուլիսի 7-ին՝ հայտնել է Եվրախորհրդի նախագահ Դոնալդ Տուսկը։
Ավելի վաղ Հունաստանի հարցով գագաթնաժողովի անցկացման խնդրանքով հանդես էին եկել Ֆրանսիայի և Գերմանիայի իշխանությունները։
Ինչպես սպասվում է՝ հանրաքվեի արդյունքում եվրոպական ֆոնդային շուկաներին և միասնական արժույթին սպառնում է էական անկում։
Եվրոգոտու երկրների ֆինանսների նախարարների խորհուրդը (Եվրախումբ) Հունաստանից առաջարկների կսպասի երկրում տնտեսական ծրագրի վերաբերյալ՝ ասվում է Եվրախմբի ղեկավար Յերուն Դեյսելբլումի հայտարարության մեջ՝ փոխանցում է RIA Novosti-ն։
«Մենք այժմ կսպասենք Հունաստանի իշխանությունների նախաձեռնություններին. Եվրախումբը երեքշաբթի՝ հուլիսի 7-ին, կքննարկի իրավիճակը»,- ասել է նա։
