Ճապոնական SONY ընկերությունը պլանավորում է ստեղծել ծրագիր, որը կարող է վերլուծել սելֆիները՝ դրանք բաժանելով տխուր և ուրախ բաժինների, ապա որոշել այն գործոնները, որոնք առաջացնում են տարբեր էմոցիաներ, հայտնում է vnews.agency-ն: Կախված ստացված արդյունքներից՝ համակարգը կսովորի առաջարկել միայն դրական էմոցիաներ առաջացնող բովանդակություն:
Համակարգը աշխատում է հետևյալ կերպ. սմարթֆոնը անում է սելֆի, այն ուղարկում է ամպային պահեստ, որտեղ տեղի է ունենում տեղեկատվության մշակումը: Այնտեղ կատարվում է նկարները ըստ ուրախների և տխուրների բաժանումը, իսկ զգացմունքներ չարտահայտող լուսանկարները հեռացվում են: Դատելով ամենից՝ լուսանկարները իրոք կարվեն անընդհատ, նույնիսկ քնած ժամանակ:
Հաստատվում է, որ ծրագիրը կսովորի գուշակել ձեր զգացմունքային վիճակը՝ կախված ապագա իրադարձություններից, գտնվելու վայրից և բեռնված ծրագրերից ու կայքերից: Անկասկած, սա ընդհանուր պատկերն է և չի արտացոլում մանրամասները: