WBO-ն որոշել է ամերիկացի անպարտելի բռնցքամարտիկ Ֆլոյդ Մեյուեյզերին (48-0) զրկել կիսամիջին քաշային կարգում չեմպիոնական գոտուց: Այս մասին տեղեկացնում է ESPN-ը:
Մեյուեյզերը մայիսի 2-ին իր մարզական կարիերայի 48-րդ հաղթանակն էր տարել` մրցավարների միաձայան որոշմամբ առավելության հասնելով ֆիլիպինցի Մենի Պակյաոյի նկատմամբ: Այդ հաղթանակի արդյունքում Ֆլոյդը նվաճել էր WBO վարկածով չեմպիոնական գոտին:
Այդուհանդերձ, ըստ WBO-ի կանոնակարգի, բռնցքամարտիկը չի կարող տարբեր քաշային կարգերի չեմպիոնական գոտիներ ունենալ: Մեյուեյզերին առաջարկվել էր հրաժարվել առաջին միջին քաշային կարգում WBC և WBA վարկածներով գոտիներից:
Նրան պատասխանելու համար ժամանակ էր տրված մինչև հուլիսի 3-ը: Մեյուեյզերն այդպես էլ չէր պատասխանել: Բացի այդ, նա չէր վճարել Պակյաոյի հետ մենամարտի համար սահմանված գումարը` 200.000 դոլար:
