Կատալոնական «Բարսելոնա»-ի կիսապաշտպան Անդրես Ինյեստան ենթադրում է, որ Մադրիդի «Ռեալ»-ը բաց չի թողնի առանցքային ֆուտբոլիստներից մեկին` Սերխիո Ռամոսին:
«Միշտ ասել եմ, որ Սերխիոն աշխարհի լավագույն կենտրոնական պաշտպաններից մեկն է: Նա խաղում է «Ռեալ»-ի պես մեծ ակումբում և չի հեռանա թիմից»,- Ինյեստայի խոսքերը մեջբերում է Marca-ն:
«Ռեալ»-ը Ռամոսի հետ ոչ մի կերպ համաձայնության չի գալիս նոր պայմանագրի հարցում: Շարունակում են տեղեկություններ շրջանառվել, որ Ռամոսը մտադիր է փոխել ակումբային գրանցումը:
«Մանչեսթեր Յունայթեդ»-ը ֆուտբոլիստի տրանսֆերի դիմաց 45 մլն եվրո էր առաջարկել: Պաշտպանը երեկ հայտարարեց, որ ոչ մի ակումբի հետ բանակցություններ չի վարում և տարաձայնություններ չունի «Ռեալ»-ի ղեկավարության հետ:
