Հոգեբանները նկատել են, որ երեխայի կողմից խաղալիքի ընտրությունը կապված է նրանց ներքին խառնվածքի հետ, և մանկական տարիքում նրանց բնավորության անհատական գծերը անպայման ի հայտ կգան արդեն մեծ տարիքում: Եթե ցանկանում եք իմանալ, թե ինչպես է սիրելի խաղալիքը բնութագրում երեխային, marketium.ru-ն առաջարկում է հիշել ձեր խաղերը և ըստ այդմ ստուգել:
1. Կոնստրուկտոր
Ամեն օր կոնստրուկտորով որևէ բան կառուցող երեխաները նպատակասլաց են, կենտրոնացած և լավ իմաստով համառ: Նրանք չեն վստահում, մինչև չեն ստուգում: Ամեն նոր բան նրանց հրապուրում է, բայց անսպասելի բաները թեթև վախեցնում են:
2. Պլաստիլին
Այս անհատները սիրում են անընդհատ ինչ-որ բան փոխել: Նրանք ձգտում են իմանալ անիմանալին, մշտապես կատարելագործում են ինչ-որ բան: Նրանք պատրաստ են ստեղծելու իրենց սեփական նոր իրականությունը, բայց երբեմն չեն կարողանում սահման դնել իրական և մտացածին աշխարհների միջև:
3. Գրքեր
Եթե ձեզ մանկությունից հնարավոր չի եղել կտրել գրքերից, ուրեմն դուք կմնաք երազողներ և ճանապարհորդներ, նույնիսկ եթե դուրս չեք գալիս տնից: Դուք ունեք քննող ուղեղ: Կյանքի դժարությունները, իհարկե, գոյություն ունեն, բայց ձեզ այնքան էլ չեն անհանգստացնում, եթե ձեր ձեռքին հայտնվում է հետաքրքիր գիրք:
4. Երկաթուղի
Երկաթուղով խաղալ սիրողները միշտ ուրախ են նոր ծանոթությունների համար: Այդպիսի մարդկանց կյանքը կարելի է բնութագրել որպես հանդիպումների և բաժանումների շղթա: Սակայն դա վերջնական վճիռ չէ, քանի որ նրանց կյանքի վրա ազդում են նաև ընտանիքը և սոցիալական միջավայրը:
5. Նկարչություն
Եթե մանկուց երեխան հրապուրվել է նկարչությամբ, ուրեմն նա զգայուն բնավորություն ունի և հարաբերությունների մեջ կարող է նրբերանգներ մտցնել: Բոլոր արվեստագետները, որպես կանոն, բաց են աշխարհի նկատմամբ, զգացմունքով են ընկալում մարդկանց և ուրախանում կյանքով:
6. Գնդակ
Գնդակ խաղալ սիրողները չեն սիրում երկար մտածել և ծրագրեր կազմել: Նրանց համար հեշտ է անմիջապես գործի անցնել: Նրանց համար դժվար է մտածածը գլխում պահել: Այդպիսի մարդիկ մրցումների և վեճերի ժամանակ ոչ թե ուզում են դիտել, այլ մասնակցել: Նրանց համար հաճելի է գիտակցել, որ ուրիշները իրենց նկատում և գնահատում են:
7. Փափուկ խաղալիքներ
Նրանք, ովքեր իրենց կյանքը չեն պատկերացնում առանց փափուկ խաղալիքների, նոր զգացողությունների ռոմանտիկ փնտրողներ են: Խաղերով տարվելը նրանց բնության մեջ է: Որպեսզի այդպիսի երեխաների էմոցիաները վերջնականապես չտիրեն նրանց, նրանց պետք է մշտապես ուղղել արդյունավետ ուղղությամբ:
8. Տեսախցիկ
Եթե մանկությունից սիրելի խաղալիքը տեսախցիկն է, ապա մեր առջև մարդ է, ով ցանկանում է ամեն ինչ տպավորել իր հիշողության մեջ: Նրանք ինքնասեր բնավորություն ունեն և ֆենոմենալ հիշողություն: Ցանկացած առիթի դեպքում նրանք կարող են հիշել նույնիսկ անցյալի ամենափոքր մանրուքները:
9. Տիկնիկներ
Եթե երեխան չի հոգնում տիկնիկից, ապա հավանաբար հասուն տարիքում ուրախ կլինի ամեն նոր ծանոթության համար: Նա կձգտի ամեն անգամ ավելի լավ իմանալ իր նոր ընկերներին:
10. Զինվորիկներ
Շատերը, նույնիսկ մեծերը չեն կարողանում խաղալիք զինվորներից կտրվել: Նրանց մեջ մանկությունից կա պլանավորելու և նպատակը որոշելու սեր: Ժամանակի հետ նրանց սկսում են հետաքրքրել շախմատը կամ համակարգչային ռազմավարությունները: Նրանք վստահ են, որ նախ պետք է լավ մտածել, ապա նոր գործել: Այդպիսի երեխաները և մեծերը արագ յուրացնում են ինֆորմացիան, բայց վստահ են, որ ավելի լավ է տեսությունը ամրացնել պրակտիկայով:
