Թվում էր, թե ծերացումը անշրջելի է, սակայն պլաստիկ վիրաբուժությունը արդեն կասկածի տակ է դրել այդ հանրահայտ փաստը։ Ծերացման գործընթացը, սակայն, կարելի է կասեցնել նաև առանց բժշկական միջամտության։ Դրա համար կան ընդամենը մի քանի պարզ կանոններ՝ հայտնում է ladyhealth.com.ua-ը:
Երիտասարդությունը վերադարձնելու համար այս խորհուրդներին հետևել է պետք մշտապես, ոչ թե կախված տրամադրությունից: Այդ դեպքում արդյունքը շատ արագ իրեն զգացնել կտա:
1. Մի քնեք շոգ ննջասենյակում:
2. Մի կուտակեք սթրեսը, թույլ տվեք այն դուրս հորդի: Եթե պետք է, արտահայտվեք և լաց եղեք: Լսեք դասական երաժշտություն. այն բուժում է հոգին:
3. Օգտագործեք սխտոր, կերեք լոլիկ, իսկական շոկոլադ: Խմեք կանաչ թեյ և չափավոր քանակով սուրճ: Քիչ աղ օգտագործեք: Աղցանների վրա լցրեք ոչ թե մայոնեզ, այլ ձիթապտղի յուղ:
4. Մոռացեք տապակած մթերքների, պահածոների և գազավորված ըմպելիքների մասին: Օրակարգում ընդգրկեք միս, կաղամբ, խնձոր և ցիտրուսներ:
5. Խմեք կալցիում: Տարիքի հետ այն օրգանիզմում պակասում է: Մի տարվեք դիետաներով:
6. Ընդունեք արևային լոգանք, դուք կստանաք D վիտամինի պաշար: Մտածեք հանգստանալու մասին: Պարբերաբար զբաղվեք ֆիզիկական ծանրաբեռնվածությամբ: Հետևեք ձեր կշռին:
7. Առավոտը սկսեք կոնտրաստ ցնցուղով և վարսակի շիլայով:
8. Սեքս, սեքս և սեքս. դա ոչ միայն ֆիզիկական մարզանք է, այլ նաև հաճելի միջոց՝ լարվածությունը թոթափելու:
9. Լավ քնեք: Ամենակարևորը առողջ քունն է:
