Այսօր՝ հուլիսի 4-ին, Վիկտորյա և Դևիդ Բեքհեմները նշում են իրենց ամուսնության 16-րդ տարին: Օրվա կապակցությամբ ամուսինները երեխաների հետ ռեստորան են գնացել, որտեղ աստղային ընտանիքը լուսանկարվել է ամբողջ կազմով։ Լուսանկարը Instagram-ի իր էջում հրապարակել է Վիկին:
«Շնորհավոր տարեդարձ: Ես քեզ այնքան եմ սիրում: Եվ այնքան եմ հպարտանում մեր հիանալի ընտանիքով»,- մակագրված է լուսանկարը:
Դևիդը ևս բաց չի թողել առիթը՝ շնորհավորելու կնոջն իրենց անձնական տոնի առթիվ. «16 տարի առաջ մեր յուրահատուկ օրն էր: Այս 16 տարվա ընթացքում լույս աշխարհ եկան մեր հիասքանչ երեխաները: Շնորհակալ եմ, որ պարգևել ես ինձ մեր զարմանահրաշ փոքրիկներին: Շնորհավոր հոբելյան»:
Շնորհավորանքներին միացել է նաև նրանց որդին՝ Բրուքլինը, ով սոցցանցի իր էջում հրապարակել է ծնողների հարսանեկան լուսանկարը՝ մակագրելով. «Շնորհավոր տարեդարձ: Սիրում եմ ձեզ»:
