Սինայի հյուսիսում եգիպտական ուժայինների կողմից վերջին 3 օրերի ընթացքում ոչնչացված գրոհայինների թիվը գերազանցել է 200-ը՝ հայտնում է Sputnik-ը:
ԴԱՒՇ-ի տեղական բաժանմունքի ծայրահեղականները, որոնք իրենց անվանում են «Սինայի վիլայաթներ», Ռաֆահ և Շեյխ-Զուվեյդ քաղաքների ծայրամասերում հուլիսի 1-ին իրականացրել են մի քանի խոշոր հարձակում եգիպտական բանակի անցակետերի և ՆԳՆ-ի վրա: Բախման ընթացքում զոհվել են 17 եգիպտացի զինծառայողներ: Պատասխան գործողությամբ Եգիպտոսի իշխանությունները ավիահարվածներ են հասցրել ահաբեկիչների թաքստոցներին:
2013 թվականին Կահիրեում իսլամիստ նախագահ Մուհամեդ Մուրսիի՝ իշխանությունից հեռանալուց հետո զինյալների հարձակումները մի քանի անգամ հաճախակիացել են: