Ամբողջ աշխարհից մոտ 10 հազար մարդ ԱՄՆ նախագահ Բարաք Օբամային խնդրում է օգոստոսի սկզբին այցելել ճապոնական Հերոսիմա և Նագասակի քաղաքներ, որոնք ԱՄՆ կողմից Երկրորդ համաշխարհային պատերազմի վերջում ենթարկվել են ատոմային ռմբակոծության՝ հայտնում է TASS-ը:
Նախաձեռնության հեղինակը ամերիկյան հասարակական կազմակերպությունն է՝ այսպես կոչված, Քեմբրիջի անհանգստացած գիտնականների միությունը, որի նախագահը մարդկանց կոչ է անում ինչքան հնարավոր է շատ ուղերձ հղել ԱՄՆ նախագահին: Նամակը արդեն պատրաստ է, մնում է գրել հասցեն և ուղարկել:
Նախաձեռնության հեղինակները համարում են, որ այսօր ռիսկերը անթույլատրելի բարձր մակարդակի վրա են մնում՝ նկատի ունենալով «ատոմային զենքի պատահական, սխալմամբ կամ չթույլատրված կիրառումը»:
1945 թվականի օգոստոսի 6-ին և 9-ին ամերիկյան ռմբակոծիչը Հիրոսիմայի, ապա Նագասակիի վրա նետել է մեկական ատոմային ռումբ, որոնց պայթյունից ակնթարթորեն մահացել են 140-ից 200 հազար մարդ, հազարավորներն էլ հետագայում մահացել են ճառագայթային հիվանդությունից: Մահացածների ընդհանուր թիվը կազմել է 234 հազար մարդ: Ողջ մնացածները առ այսօր տառապում են ճառագայթային հիվանդություններից: