Ուկրաինական o1.ua պարբերականի փոխանցմամբ` Օդեսայի նահանգապետ Միխեիլ Սաակաշվիլին վերացրել է մարզի վարչակազմի երկու դեպարտամենտ` նրանց կատարած անարդյունավետ աշխատանքի պատճառով:
Սաակաշվիլին այդպիսով պաշտոնանկ է արել ավելի քան 20 պաշտոնյայի: Ընդգծվում է, որ Սաակաշվիլին լուծարել է ներքին աուդիտի և կոռուպցիայի հայտնաբերման ու կանխման դեպարտամենտները:
Սաակաշվիլին խորհրդակցության ժամանակ հայտարարել է, որ դրանցից առաջինը վերջին մեկ տարում հայտնել է միայն երեք ստուգման մասին, իսկ երկրորդն ընդհանրապես չի բացահայտել կոռուպցիոն որևէ փաստ:
Սաակաշվիլին այդ դեպարտամենտի աշխատակիցներին հիշեցրել է, որ քաղաքացիները մշտապես բողոքում են կաշառակերության դեպքերից. «Մարդիկ դժգոհում են, որ տեղեկանքի համար պետք է վճարել, իսկ արագացման համար` կրկնակի կաշառք տալ: Ներդրողներն իրենց հերթին դժգոհում են յուրաքանչյուր թույլտվության համար դրամաշորթություններից, մինչդեռ դուք հայտնում եք միայն որոշ խախտումների մասին»:
Սաակաշվիլին խոստացել է կոռուպցիայի դեմ պայքարի գործառույթները հնձնել հասարակությանը: Սաակաշվիլին Օդեսայի նահանգապետի պաշտոնում նշանակվել է ընթացիկ տարվա մայիսի 30-ին: