Հանրապետական խմբակցության պատգամավոր Վարդան Այվազյանը համաձայն չէ այն դիտարկմանը, թե Ռուսաստանը Հայաստանին սպառազինության հավասարակշռման նպատակով 200 միլիոն դոլար վարկը տրամադրեց էլեկտրաէներգիայի թանկացմանն ուղղված ակտիվիստների բարձրացրած դժգոհության ալիքի ազդեցության տակ: Չէ՞ որ «Հայաստանի էլեկտրական ցանցեր» ընկերությունը հանդիսանում է ՌԴ սեփականություն, իսկ այդ նստացույցի օրերին այդ երկրում մտահոգություններ էին հնչում, թե Հայաստանում երկրորդ մայդան է ձևավորվում:
Եվ անմիջապես Հայաստան ժամանեց ՀՀ-ՌԴ միջկառավարական հանձնաժողովի նախագահ Սոկոլովը, ու պարզ դարձավ, որ ՌԴ-ն մեր երկրին 200 մլն դոլար վարկ է տալիս: Արդյոք ՌԴ-ն այդ վարկը չտրամադրե՞ց, որպեսզի կանխի այստեղ հակառուսական տրամադրությունների առաջացումը: ՌԴ-ն այս դժգոհություններից հետևություններ արե՞ց:
«Հետևություններ անելու խնդիրը կա, ինչի մասին է խոսքը: Դրա մասին ավելորդ է խոսելը, որ բոլորի մոտ էլ մտահոգություն է առաջ գալիս, թե տնտեսական խնդիրը կարող է վերածվել փոխհարաբերությունների քաղաքական խնդրի»,- հորդորեց Վ.Այվազյանը:
Վ.Այվազյանի հետ զրույցն ամբողջությամբ՝ տեսանյութում:
