Ինդիանայի համալսարանի մասնագետները պարզել են, թե ինչու է ալկոհոլ օգտագործելուց հետո ուտելու ուժեղ ցանկություն առաջանում, հայտնում է rosbalt.ru-ն: Հետազոտությանը մասնակցել են 35 չծխող նորմալ քաշով կանայք, ովքեր չեն եղել բուսակերներ: Կանայք երկու անգամ են հաճախել լաբորատորիա: Ուտելուց առաջ նրանց ներարկել են սպիրտ պարունակող լուծույթ կամ պլացեբո:
Գիտնականները ներարկումներ են արել մարսողական համակարգը ստուգելու նպատակով: Նրանց հետաքրքրել է ալկոհոլի ազդեցությունն ուղեղի վրա: Այնուհետև, նրանք սկան են արել մասնակիցների ուղեղներն այն ժամանակ, երբ վերջիններս ուտելիքներից հոտ են քաշել: Ապա նրանց առաջարկել են ճաշել:
Հետազոտողները պարզել են, որ երբ մասնակիցներին ներարկել են ալկոհոլային լուծույթ, նրանք կերել են ավելի շատ, քան որ նրանց ներարկել են պլացեբո: Ճիշտ է, մասնակիցների մեկ երրորդն ավելի քիչ է կերել, քան պլացեբոյի դեպքում: Բացի այդ, ալկոհոլի ակտիվությունից կանանց ուղեղում հիպոթալամուսի ակտիվությունն ուտելիքի հոտի դեպքում ավելի է ուժեղացել, քան ուրիշ հոտերի դեպքում: Այդպես, դատելով ամեն ինչից, ալկոհոլն ուղեղն ուտելիքի հոտերի նկատմամբ դարձնում է գերզգայուն:
