Ճապոնակակն Casio ընկերույթյունը, որը 70-ական թվականներին առաջինը սկսեց թողարկել օրացույցով և հաշվիչով ձեռքի ժամացույցներ, հայտարարել է «խելացի» ժամացույցների շուկա դուրս գալու իր մտադրության մասին: Ընկերության նախագահ Կազուհիրո Կասիոյի խոսքերով՝ ժամացույցը կթողարկվի հաջորդ տարվա մարտին: Առաջինն այն կարող են գնել Ճապոնիայում և ԱՄՆ-ում:
Ժամացույցը կարժենա մոտավորապես այնքան, ինչքան արժե Apple Watch հիմնական մոդելը` 350-400 դոլար: Սարքը նախատեսված կլինի այն տղամարդկանց համար, ովքեր զբաղվում են սպորտով և ակտիվ հանգստով, ասել է Կասիոն The Wall Street Journal-ին տված հարցազրույցում:
Casio-ն թողարկում է նաև թվային տեսախցիկներ, հաշվիչներ, բջջային տերմինալներ և աուդիո սարքավորումներ: Ընկերության շահույթի կեսը բաժին է ընկնում ժամացույցներին:
