Գերմանական Spiegel ամսագրի խմբագրությունը եղել է ամերիկյան հատուկ ծառայությունների նշանակետի տակ: Այս մասին հայտում է SpiegelOnline առցանց պարբերականը՝ վկայակոչելով դաշնային կանցլերի գերատեսչությունից գաղտնի փաստաթղթերը:
2011թ. ամռանը ԱՄՆ ԿՀՎ ղեկավարությունը կանցլերի գերատեսչությունում հատուկ ծառայությունների աշխատանքի կոորդինացիայի բաժնի ղեկավար Գյունթեր Հայսին ասել է, որ Spiegel-ը կապեր ունի կառավարությունում: Կոնկրետ, ինչպես նշված է փաստաթղթում, ԿՀՎ-ն ծառայողական տեղեկության հրպարակման համար կասկածել է Հայսի տեղակալին՝ Հանս Յոզեֆ Ֆորբեքին: Նա դրանից հետո այլ պաշտոնի է տեղափոխվել: Այն ժամանակ դեպքը ոչ մի իրավական հետևանք չի ունեցել: Ֆորբեքի տեղափոխումը պատճառաբանվել է տնտեսման միջոցառումներով:
«Spiegel-ը ելնում է նրանից, որ ԱՄՆ հատուկ ծառայությունները գաղտնալսել են իր խմբագրությանը,- նշում է պարբերականը:- Հուլիսի 3-ին ամսագիրը բողոքով դիմել է Գերմանիայի գլխավոր դատախազություն հետախուզական գործունեության և հեռախոսային բանակցությունների գաղտնիության իրավունքի խախտման հետ կապված»:
Չորեքշաբթի օրը տեղական ԶԼՄ-ները, հղում անելով Wikileaks-ի տվյալներին, հայտնել են, որ ԱԱԳ-ն երկար ժամանակ գաղտնալսել է ոչ միայն Գերմանիայի կանցլեր Անգելա Մերկելի, այլև մի շարք այլ բարձարաստիճան պաշտոնյաների հեռախոսները:
ԱԱԳ-ին առաջին հերթի հետաքրքրել է Գերմանիայի տնտեսական և արժութային քաղաքականությունը, արտաքին առևտրային կապերը:
