Iran.ru-ի փոխանցմամբ՝ Իրանական երկաթուղիներ ընկերության տարանցիկ կոմիտեի նախագահ Մոհամեդ Գարովին հայտարարել է, որ իրանական վերջին տարում (2014 թվականի մարտի 21-ից մինչև 2015 թվականի մարտի 20) Իրանում միջազգային երկաթուղային փոխադրումների ծավալն աճել է ավելի քան 50 տոկոսով՝ համեմատած դրա նախորդ տարվա հետ:
Ընդ որում՝ ներկրվող բեռների փոխադրումների ծավալն աճել է 110 տոկոսով, տարանցիկ բեռների փոխադրումները՝ 56 տոկոսով, իսկ արտահանվող բեռների ծավալը՝ 26 տոկոսով: Հիշեցնելով միջազգային ճնշման մասին, որին ենթարկվում է Իրանը, Մոհամեդ Գարովին հայտարարել է, որ երկաթուղային փոխադրումների ծավալի աճին մեծապես նպաստել են այնպիսի միջոցները, ինչպիսիք են ժամանակակից զեղչեր տրամադրելը, ակտիվ մարքեթինգային քաղաքականությունը, բեռների տերերի ու տարածաշրջանի երկրների երկաթուղային գերատեսչությունների հետ սերտ փոխգործակցությունը, դատարկ վագոնների ժամանակին տրամադրումը և այլն: