Ղրղըզստանը լիովին պատրաստ է Եվրասիական տնտեսական միությանն (ԵՏՄ) անդամակցությանը, սահմանները կբացվեն վավերացման բոլոր ընթացակարգերի ավարտից անմիջապես հետո: Այս մասին RIA Novosti-ին տված հարցազրույցում ասել է Ղրղըզստանի վարչապետ Թեմիր Սարիևը:
«Մենք ստորագրել ենք բոլոր անհրաժեշտ փաստաթղթերը: Եվրասիական տնտեսական հանձնաժողովը անցկացրել է մաքսային կետերի պատրաստվածության աուդիտ: Նրանք տվել են իրենց դրական եզրակացությունը, և դա ամրագրված է որոշակի որոշմամբ: Այժմ մենք սպասում ենք (ԵՄ անդամ երկրներից) վերջին վավերացման ամսաթվին: Երբ ամենավերջին երկիրը վավերացնի, նրա նոտայի ստացումից հետո՝ այդ օրվանից կբացվեն սահմանները»,- ասել է Սարիևը:
Նա նաև հույս է հայտնել, որ մինչև հուլիսի կես վավերացումը կավարտվի: «Կարծում եմ՝ հուլիսի 15-ը վերջնական ամսաթիվն է: Այդ պահից սկսած ամեն ինչ վավերացված կլինի»,- ասել է է Սարիևը: