ԱԻՄ առաջնորդ Պարույր Հայրիկյանը մի քանի համակիրների հետ Հայաստանի և Եվրամիության դրոշներով ժամանել է Բաղրամյան պողոտա:
Ակցիայի մասնակիցներից մեկը, ում ձեռքին էր այդ պահին բարձրախոսը դիմելով ներկաներին ասաց. «Քանի որ մինչ այս պահը չի քաղաքականացվել ու չի կուսակցականացվել ակցիան, եկեք խնդրենք, որ դրոշն իջեցվի»: «Այո» վանկարկեցին բոլորը: Հարցին թե ինչու եք Եվրախորհրդի դրոշով եկել, Պարույր Հայրիկյանը պատասխանեց.«Որովհետև տղաները մտել են Եվրոպական դատարան»: «Միայն եռագույն, միայն եռագույն» վանկարկում են ցուցարարները:
Լարվածությունը ցուցարարների և Պարույր Հայրիկյանի համակիրների միջև չէր դադարում, տեղի ունեցավ նաև բախում: Ցուցարարները շուրջպար են բռնել Հայրիկյանի շուրջը և վանկարկում են «Հայաստան»: