Հունաստանը չի կարող վերադառնալ դրահմային, քանի որ երկրում չկան անհրաժեշտ տպիչ մեքենաներ: Այս մասին ավստրալական ABC ռադիոկայանի եթերում ասել է այդ երկրի ֆինանսների նախարար Յանիս Վարուֆակիսը:
Նրա խոսքով՝ 2000 թ. եվրոգոտի մտնելիս Հունաստանի իշխանությունները շտապել են ազատվել փող տպող մեքենաներից, քանի որ վստահ են եղել, որ երկրում միշտ կլինի եվրոպական միասնական արժույթը: «Մենք ոչնչացրել ենք բոլոր մեքենաները, հիմա դրանցից չի մնացել»,- ասել է Վարուֆակիսը:
Հունաստանում հուլիսի 5-ին հանրաքվե տեղի կունենա վարկատուների ծրագիրն ընդունելու վերաբերյալ: Դրա պայմանները նախատեսում են տնտեսման խիստ ռեժիմ՝ հարկերի բարձրացում և թոշակների ու այլ սոցիալական նպաստների կրճատում պարտքի վերակազմավորման դիմաց: ԵՄ-ն աջակցում է այդ ծրագրին, իսկ Ալեքսիս Ցիպրասի կառավարությունը դեմ է:
Ապրիլին ԶԼՄ-ները գրում էին, որ Հունաստանի կառավարությունը պատրաստվում է վերադառնալ դրահմային:
