Mignews-ի փոխանցմամբ՝ բրիտանացի գիտնականների խումբը կարծում է, որ Պարկինսոնի աճող հիվանդությունը կարևորագույն պատճառ է դարձել Երկրորդ համաշխարհային պատերազմում նացիստական Գերմանիայի պարտության համար, քանի որ դրա պատճառով Ադոլֆ Հիտլերը սկսել է ընդունել անմիտ և անխոհեմ որոշումներ:
World Neurosurgery ամսագրում տեղ գտած հոդվածում Ռագհավ Գուպտան և նրա գործընկերները ներկայացնում են Հիտլերի հիվանդության ֆոտոապացույցներ՝ ձախ ձեռքին բնորոշ ցնցումներ, ողնաշարի կորացում և ընդհանրապես շարժողական գործառույթների խանգարում: Ներկայացված բոլոր լուսանկարներն արվել են 1933-1945 թվականներին:
Հետազոտողները վստահ են, որ Պարկինսոնի հիվանդությունը կործանարար ազդեցություն է ունեցել ֆյուրերի ռազմավարական հմտությունների վրա, ինչն էլ հանգեցրել է նրա կողմից այնպիսի անմիտ որոշումների կայացմանը, ինչպիսին նախքան բրիտանացիների դեմ կամպանիայի ավարտը ԽՍՀՄ դեմ երկրորդ ճակատ բացելն է, Ստալինգրադից նահանջելուց հրաժարվելը և դաշնակիցների ափհանումից հետո Նորմանդիան պաշտպանելու անընդունակությունը: