ՄԱԿ-ի մարդասիրական գործակալությունները չորեքշաբթի օրը որոշում են ընդունել Եմենում հայտարարելու իրավիճակի արձագանքման ամենաբարձր՝ երրորդ մակարդակ։ Այստեղ շարունակվում է կառավարության, որին աջակցում է Պարսից ծոցի երկրների զինված կոալիցիան, կողմնակիցների և ապստամբ հութիների միջև հակամարտությունը: TASS-ի հաղորդմամբ՝ այս մասին լրագրողներին հայտնել է ՄԱԿ-ի գլխավոր քարտուղարի պաշտոնական ներկայացուցչի տեղակալ Ֆարհան Հաքը:
Նրա խոսքով՝որոշումն ընդունվել է մարդասիրական հարցերով ՄԱԿ-ի գլխավոր քարտուղարի տեղակալ Սթիվեն Օ՝բրայենի հրավիրած խորհրդակցության ժամանակ: «Բոլոր գործակալությունները համաձայնեցին երրորդ աստիճան հայտարարել 6 ամսով՝ սեպտեմբերին իրավիճակի միջանկյալ ուսումնասիրությամբ»,- ասել է Հաքը:
Ենթադրվում է, որ մարդասիրական արձագանքման ամենաբարձր մակարդակը կնպաստի լրացուցիչ ռեսուրսների մոբիլիզացմանը՝ երկրի բնակչությանն օգնելու համար:
ՄԱԿ-ի տվյալներով՝ ներկայումս տարատեսակ մարդասիրական օգնության կարիք ունի ավելի քան 21 մլն եմենցի՝ երկրի բնակչության ավելի քան 80%-ը: Միևնույն ժամանակ, համաշխարհային կազմակերպության մարդասիրական արձագանքման առկա ծրագիրը հաշվարկված է 11.7 մլն մարդու համար:
Հաքի հաղորդմամբ՝ Եմենի մոտ 13 մլն բնակիչ սննդամթերքի կարիք ունի, ևս 9.4 մլն-ը՝ մաքուր ջրի պակաս: