Ինդոնեզիայում Hercules C-130 ռազմական ինքնաթիռի անկման պատճառ կարող էր դառնալ տեխնիկական անսարքությունը։ Այս մասին, ինչպես փոխանցում է The New York Times-ը, հայտարարել է երկրի ռազմաօդային ուժերի գլխավոր հրամանատար Ագուս Սուպրիատնան։
Նրա խոսքով՝ օդաչուն հայտնել է շարժիչների հետ կապված թերությունների մասին և բազա վերադառնալու թույլտվություն հայցել։ «Օդանավը կործանվել է՝ շրջադարձ կատարելիս»,- հավելել է Սուպրիատնան։
Ինքնաթիռը կործանվել է Մեդանից թռչելուց 2 րոպե անց՝ անցնելով ընդամենը 5 կմ։ Օդանավում գտնվել է 113 մարդ, որից 12-ը՝ անձակազմի անդամներ։ Ենթադրաբար նրանք բոլորը մահացել են։