Բերանի խոռոչը կոկոսի յուղով ողողելը հին տեխնիկա է, որը մի ժամանակ փոխարինել է ատամի մածուկին և խոզանակին: Բայց հիմա այն վերադառնում է, հայտնում է The Daily Mail-ը: Տեխնիկայի արդյունավետության հետազոտություն է կատարվել: Հետազոտությանը մասնակցել է 16-18 տարեկան 60 մարդ, որոնք 30 օր բերանի խոռոչը կոկոսի յուղով են ողողել:
Պարզվել է՝ մեկ շաբաթ անց փառի և լնդերի հիվանդությունների ցուցանիշները զգալիորեն նվազել են և շարունակել են նվազել ևս մեկ ամիս: Փորձագետների խոսքով՝ կոկոսի յուղը պարունակում է մեծապես ճարպային թթուներ, որոնց 45-50%-ը՝ լաուրինի թթուն է: Իսկ այդ թթուն հակաբորբոքային և հակամիկրոբային ազդեցություն է ունենում:
Գործում է նաև հետևյալ մեխանիզմը. փառ ձևավորող միկրօրգանիզմների մեծ մասը բաղկացած է միաբջիջներից: Եվ դրանք ճարպային շերտ ունեն: Ճարպերը ձգում են ճարպերին: Փորձագետները խորհուրդ են տալիս յուղով բերանի խոռոչի ողողումն ավելացնել հիգիենիկ պրոցեդուրաներին: Իհարկե, ատամի խոզանակին այն չի փոխարինի:
Բաղադրատոմսը պարզ է՝ վերցնում ենք 1 թեյի գդալ յուղ և այդ յուղով պետք է ողողել բերանը, թողնել մտնի ատամների միջև՝ 5-20 րոպե: Յուղը կուլ տալ չի կարելի, այն պետք է թքել: