The Daily Mail-ի փոխանցմամբ՝ այն կանայք, որոնք հակադեպրեսանտների օգնությամբ փորձում են ձերբազատվել դաշտանադադարի ախտանիշներից, 76 տոկոսով ավելի հաճախ են տառապում կոտրվածքներից, քան նրանք, ովքեր՝ հակադեպրեսանտներ չեն ընդունում:
Դա պարզել են Բոսթոնի Հյուսիսարևելյան համալսարանի հետազոտողները: Նրանց հաղորդմամբ՝ ռիսկը պահպանվում է մի քանի տարի: Դաշտանադադարը հաճախ ուղեկցվում է դեպրեսիայով ու տրամադրության փոփոխություններով, ինչի համար էլ շատ կանայք ընդունում են հակադեպրեսանտներ, որոնք օգնում են կանանց՝ ազատվելու համար այդ ախտանիշներից:
Հետազոտողները պարզել են, որ հակադեպրեսանտներ ընդունողների մոտ կոտրվածքներ ստանալու ռիսկը մեկ տարի անց բարձրացել է 76 տոկոսով, երկու տարի անց՝ 73 տոկոսով, իսկ բուժումը սկսելուց հինգ տարի անց՝ 67 տոկոսով: Հակադեպրեսանտները ոսկորները դարձնում են նուրբ և փխրուն:
