Էքսեթերի և Քարդիֆի համալսարանների հոգեբանները համակարգչային խաղ են մշակել, որը, նրանց խոսքով, կօգնի ազատվել հընթացս մի քիչ վնասակար սնունդ ուտելուց: Այս մասին հայտնում է ВВС-ն:
Փորձնական խմբում ընդգրկվել է 41 մարդ: Կամավորների մեծ մասն ավելորդ քաշ է ունեցել: Բոլոր մասնակիցները շաբաթական առնվազն 3 անգամ քիչ-քիչ կալորիական սնունդ են կերել, օրինակ՝ բլիթ, կեքս, շոկոլադ:
Գիտնականների խոսքով՝ նոր խաղը մարզում է ուղեղը: Խաղացողները սովորում են չսեղմել վնասակար մթերքների լուսանկարների վրա: Մասնակիցները խաղը խաղացել են շաբաթական 4 անգամ 10-ական րոպեով: Կամավորների արդյունքները համեմատել են վերահսկվող խմբի 41 մասնակիցների արդյունքների հետ: Նրանք ևս խաղը խաղացել են, բայց նրանց սննդի հետ կապ չունեցող նկարներ են ցույց տվել:
Մեկ շաբաթում փորձարարական խմբի կամավորները մոտ 0,7 կիլոգրամով նիհարել են: Նրանք սկսել են օրական մոտ 220 կալորիա պակաս օգտագործել: Հետո մասնակիցները կես տարի օրագիր են պահել, որտեղ գրանցել են ամենը, ինչ կերել են: Մասնագետներն ասում են, որ այդ ամբողջ ընթացքում մասնակիցները շարունակել են ճիշտ սնվել:
