ՀՀ կառավարության կողմից կազմակերպվող տնտեսական հարցերով համաժողովից հետո ՀՀ վարչապետ Հովիկ Աբրահամյանը նշեց, որ մինչև ՀԷՑ-ում աուդիտի իրականացումը, օգոստոսի 1-ից հոսանքի թանկացման դիմաց կառավարությունը կվճարի, բայց ոչ բյուջեի հաշվին:
Լրագրողների հարցին, թե այդ դեպքում ի՞նչ աղբյուրներից է օգտվելու կառավարությունը՝ վարչապետը նախ չնշեց, բայց հայտնեց, որ ավելի ուշ կհայտարարեն դրա մասին:
Իսկ էներգետիկայի նախարար Երվանդ Զախարյանը անդրադառնալով նույն հարցին՝ նշեց, որ իրենք դեռևս փնտրում են աղբյուրներ, որով հնարավոր կլինի վճարել գումարը:
